كلية العلوم جامعة القاهرة
قسم الرياضة هو واحد من 6 أقسام الكلية انشات بهم سنة 1925الاقسام دي هي الرياضة والفيزياء والكيمياء والجيولوجيا والحيوان والنبات
القسم فيه 3 شعب رئيسية هي رياضيات منفرد وحاسب منفرد ورياضيات / احصاء الثلاث شغب في اختلاف الي حد ما بينهم في طبيعة الدراسة ومجالات الشغل بعد التخرج ان شاء الله
في امثال لناس خريجين رياضة اشتغلوا بره الجامعة او هما كانوا في الجامعة واشتغلوا حاجات تانية بالرياضة بره الجامعة يعني أمثال دكتور عطية عاشور – د احمد حماد – ليلي قطري …ليلي قطري حاليا دي رئيس مركز البحوث في شلمبرجير دي خريجة رياضة – الدكتور عطية عاشور ده كان رئيس المركز الدولي للجيوفيزياء وعلوم الارض ومقاييس الارض دكتور عاشور دفعة 1940 وهو تلميذ دكتور مشرفة – الدكتور حماد ده كان اول رئيس للهيئة العامة للطاقة الذرية
بالنسبة لعلوم الحاسب في دراسة لعلوم الحاسب للبرمجة بس من وجهة نظر رياضية احنا غير حاسبات وغير هندسة يمكن هناك في دراسة بشكل اكبر للحاجات اللي لها تطبيقات او مطلوبة اكتر في سوق العمل لكن الميزة جوه القسم هنا انه بيديك الاساسيات الرياضة بتاعت الحاسب للي مش عارف ويمكن معظم الناس مش عارفة ان الحاسب ماهو الا رياضة تطبيقية انت في القسم بتاخد كل قواعد الرياضة اللي بتؤهلك انك تقدر تشتغل في البرمجة كويس